ਬੂਬਸ ਬਾਜ਼ਾਰ : ਜਯੋਤੀ ਬਾਵਾ

ਵਾਹ ! ਕਿੰਨੇ ਸੋਹਣੇ ਬੂਬਸ, ਸੈਕਸੀ। ਓਹ ਨੋ…ਇਸ ਦੇ ਬੂਬਸ ਕਿੰਨੇ ਛੋਟੇ, ਕੋਈ ਖਿੱਚ ਨਹੀਂ ਇਨ੍ਹਾਂ `ਚ। ਓਹ ਯਾਰ!! ਤੂੰ ਦੇਖੇ ਇਸ ਦੇ ਬੂਬਸ, ਕਾਸ਼ ਮੇਰੇ ਹੱਥਾਂ `ਚ ਆ ਜਾਣ ਇਕ ਵਾਰ…।ਆਮ ਗੱਲਬਾਤ ਜੋ ਮਰਦਾਂ ਦੀ ਰੋਜ਼ਮਰ੍ਹਾ ਦੀ ਜ਼ਿੰਦਗੀ ਦਾ ਹਿੱਸਾ ਹੈ।ਪਰ ਕਹਾਣੀ ਇਹ ਨਹੀਂ ਬਸ। ਮੇਰੇ ਬੂਬਸ ਦੇਖ, ਇਸ ਦੀ ਬਣਤਰ ਦੇਖ, ਤੈਨੂੰ ਪਤੈ ਮੈਂ ਕਿੰਨੇ ਘੰਟੇ ਜਿੰਮ ਖਾਨੇ ਜਾਂਦੀ ਹਾਂ। ਯਾਰ ਇਸ ਲਈ ਤੇ ਮੈਂ ਹਰ ਤਰ੍ਹਾਂ ਦੇ ਛੋਟੇ ਸੈਕਸੀ ਕੱਪੜੇ ਪਾਉਂਦੀ ਹਾਂ ਤੇ ਤੈਨੂੰ ਤੇ ਪਤਾ ਹੈ ਕਿ ਮਰਦ ਨੂੰ ਆਪਣਾ ਬਣਾਉਣ `ਚ ਤਰ੍ਹਾਂ ਤਰ੍ਹਾਂ ਦੇ ਸੈਕਸੀ ਕੱਪੜਿਆਂ ਦਾ ਕਿੰਨਾ ਯੋਗਦਾਨ ਹੈ। ਓਹ ਨੋ…ਇਸ ਦਾ ਮਤਲਬ ਮੈਂ ਕਦੇ ਵੀ ਮਰਦ ਨੂੰ ਭਰਮਾ ਨਹੀਂ ਸਕਦੀ। ਮੇਰੇ ਬੂਬਸ ਤੇ ਅਸਲ ਨਾਪ ਨਾਲੋਂ ਵੀ ਛੋਟੇ ਹਨ।
ਆਮ ਔਰਤਾਂ ਦੀ ਰੋਜ਼ਮਰ੍ਹਾ ਦੀ ਬਹਿਸ ਜੋ ਬਹੁਤਿਆਂ ਨੂੰ ਅੰਧਕਾਰ `ਚ ਲੈ ਜਾਂਦੀ।ਇਕ ਰਿਸਰਚ ਦੇ ਮੁਤਾਬਕ ਮਰਦ ਦੀ ਸੋਚ `ਚ ਬੂਬਸ ਬਹੁਤ ਤਾਰੀ ਰਹਿੰਦੇ ਹਨ ਤੇ ਉਹ ਹਸਤਮੁਥੈਨ ਲਈ ਬੂਬਸ ਨੂੰ ਸ਼ਿੱਦਤ ਨਾਲ ਕਲਪਿਤ ਕਰਦਾ ਹੈ। ਇਸ ਕਰਕੇ ਹੀ ਬਹੁਤ ਸਾਰੇ ਫੋਟੋਸ਼ੂਟ, ਮੈਗ਼ਜ਼ੀਨ, ਵਿਉਪਾਰ, ਫ਼ਿਲਮਾਂ `ਚ ਬੂਬਸ ਨੂੰ ਹੀ ਫੋਕਸ ਕੀਤਾ ਜਾਂਦਾ ਹੈ। ਕੰਮ ਕਾਜੀ ਔਰਤਾਂ ਨੂੰ ਵੀ ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਜਦੋਂ ਉਹ ਦਫ਼ਤਰਾਂ `ਚ ਖ਼ਾਸ ਕੰਮ ਲਈ ਜਾਣ ਤੇ ਵੱਡੇ ਗਲੇ ਵਾਲੇ ਕੱਪੜੇ ਪਾ ਕੇ ਜਾਣ। ਇਕ ਮੀਡੀਆ ਨਾਲ ਸੰਬੰਧਤ ਸ਼ਖ਼ਸ ਨੇ ਮੈਨੂੰ ਇਹ ਪਾਠ ਪੜ੍ਹਾਇਆ ਸੀ ਕਿ ਜਦੋਂ ਕਿਸੇ ਦਫ਼ਤਰ ਸਾਈਨ ਕਰਵਾਉਣ ਜਾਵੋ ਤੇ ਸੈਕਸੀ ਗਲੇ ਪਾ ਕੇ ਜਾਵੋ, ਫੇਰ ਦੇਖੋ ਕਿਵੇਂ ਕੰਮ ਹੁੰਦੇ। ਬਹੁਤ ਸਾਰੀਆਂ ਥਾਵਾਂ `ਚ ਔਰਤਾਂ ਦੀ ਜ਼ਰੂਰਤ ਵੀ ਨਹੀਂ ਹੁੰਦੀ, ਫੇਰ ਵੀ ਉਸ ਨੂੰ ਖੜ੍ਹਾ ਕੀਤਾ ਜਾਂਦਾ ਸਭ ਕੁਝ ਵੇਚਣ ਲਈ। ਹੁਣ ਤੇ ਉਹ ਇਸ ਗੱਲ ਨੂੰ ਸ਼ਾਨ ਸਮਝ ਰਹੀ ਹੈ। ਪਹਿਲਾਂ ਰੋਟੀ ਲਈ ਔਰਤ ਵਿਕਦੀ ਸੀ,ਹੁਣ ਸ਼ੌਕ ਲਈ।
ਕਿਉਂ ? ਜੋ ਗੱਲ ਮੈਂ ਕਰ ਰਹੀ, ਉਹ ਸ਼ਾਇਦ ਬਹੁਤਿਆਂ ਲਈ ਨਵੀਂ ਨਹੀਂ ਹੈ। ਸੋਸ਼ਲ ਮੀਡੀਆ `ਚ ਕਈ ਵਾਰ ਦੱਬੀ ਕੁਚਲੀ ਆਵਾਜ਼ ਉੱਠੀ ਵੀ ਔਰਤ ਦੇ ਦਿਖਾਵੇ ਨੂੰ ਲੈ ਕੇ ਪਰ ਉਹ ਕੁਚਲ ਦਿੱਤੀ ਗਈ।ਇਸ ਗੱਲ ਨੂੰ ਮੈਂ ਵੀ ਸ਼ਾਇਦ ਨਾ ਕਰਦੀ ਜੇਕਰ ਮੈਂ ਕ੍ਰਿਸਟੀਨਾ ਦੀ ਮੌਤ ਬਾਰੇ ਨਾ ਪੜ੍ਹਦੀ। ਉਹ ਮਰਦਾਂ ਨੂੰ ਰਿਝਾਉਣ ਲਈ ਤੇ ਪੈਸੇ ਕਮਾਉਣ ਲਈ ਬਹੁਤ ਵਾਰ ਬੂਬਸ ਸਰਜਰੀ ਕਰਵਾ ਚੁੱਕੀ ਸੀ। ਕਿਉਂ ਉਸ ਨੇ ਇਹ ਨਕਲੀ ਰਸਤੇ ਚੁਣੇ ਮਰਦਾਂ ਨੂੰ ਭਰਮਾਉਣ ਲਈ। ਅਜੇ ਸੋਚਾਂ `ਚ ਹੀ ਗੁੰਮ ਸੀ ਕਿ ਸ਼੍ਰੀਦੇਵੀ ਦੀ ਮੌਤ ਹੋ ਗਈ।ਬਹੁਤ ਕੁਝ ਜਾਣਨ ਦੀ ਇੱਛਾ ਨੇ ਬਹੁਤ ਸਾਰੀਆਂ ਜਾਣਕਾਰੀਆਂ ਇਕੱਠਾ ਕਰਨ `ਚ ਮੈਨੂੰ ਲਗਾ ਦਿੱਤਾ। ਸਭ ਤੋਂ ਜ਼ਿਆਦਾ ਹਾਸਾ ਤੇ ਰੋਣਾ ਮੈਨੂੰ ਰਾਖੀ ਸਾਵੰਤ ਦੀਆਂ ਗੱਲਾਂ `ਤੇ ਆਇਆ ਜੋ ਬੂਬਸ ਨੂੰ ਹੀ ਬਹੁਤ ਵੱਡੀ ਗੱਲ ਸਮਝ ਰਹੀ ਸੀ ਤੇ ਬਿਆਨ ਦੇ ਰਹੀ ਸੀ ਕਿ ਮੈਂ ਤੇ ਆਪਣੇ ਬੂਬਸ ਦਾਨ ਕਰਾਂਗੀ। ਲੋਕ ਸ਼ੌਕ ਨਾਲ ਉਸ ਦੀ ਵੀਡੀਓ ਦੇਖ ਰਹੇ ਪਰ ਸਵਾਲ ਨਹੀਂ ਕਰ ਰਹੇ ਕਿ ਪਲਾਸਟਿਕ ਦੀ ਚੀਜ਼ ਦਾਨ ਨਹੀਂ ਹੁੰਦੀ।ਮੈਂ ਮੰਨਦੀ ਹਾਂ ਕਿ ਇਹ ਖਿੱਚ ਸੁਭਾਵਿਕ ਵੀ ਹੈ, ਉਤੇਜਨਾ ਵੀ ਜ਼ਿੰਦਗੀ ਦਾ ਹਿੱਸਾ ਹੈ ਪਰ ਇਸ ਦਾ ਮਤਲਬ ਇਹ ਤੇ ਨਹੀਂ ਕਿ ਤੁਸੀਂ ਗ਼ੈਰ ਕੁਦਰਤੀ ਤਰੀਕਿਆਂ ਵੱਲ ਮੂੰਹ ਕਰ ਲਵੋ।
ਮੈਂ ਜਿਉਂ ਜਿਉਂ ਰਿਸਰਚ ਕਰਦੀ ਗਈ, ਉਲਝਦੀ ਗਈ। ਲੋਕਾਂ ਦੀ ਸੋਚ ਕਈ ਸਵਾਲ ਖੜ੍ਹੇ ਕਰਦੀ ਗਈ। ਮੈਨੂੰ ਇੰਝ ਲੱਗਣ ਲੱਗਾ ਜਿਵੇਂ ਮੈਂ ਬੂਬਸ ਬਾਜ਼ਾਰ `ਚ ਰਹਿ ਰਹੀ ਹੋਵਾਂ। ਜਦੋਂ ਅਸੀਂ ਟੀਨਏਜ਼ ਦੀ ਉਮਰ `ਚ ਆਉਂਦੇ ਹਾਂ ਤੇ ਬਹੁਤ ਸਾਰੇ ਸਵਾਲ ਮਨਾਂ `ਚ ਤਾਰੀ ਹੁੰਦੇ ਹਨ। ਮੁੰਡੇ ਕੁੜੀਆਂ ਦੋਵੇਂ ਇਕ ਸੁਪਨਮਈ ਦੁਨੀਆ `ਚ ਕਦਮ ਰੱਖਦੇ ਹਨ। ਇਸ ਦੁਨੀਆ ਨੂੰ ਸਾਕਾਰ ਕਰਨ `ਚ ਸ਼ੋਸ਼ਲ ਮੀਡੀਆ ਬਹੁਤ ਅਸਰ ਪਾਉਂਦੀ ਹੈ। ਰੋਜ਼ ਸਕੂਲ ਨੂੰ ਜਾਂਦੀਆਂ ਸੜਕਾਂ `ਤੇ ਲੱਗੇ ਫ਼ਿਲਮਾਂ ਦੇ ਪੋਸਟਰ ਜੋ ਸਿਰਫ਼ ਔਰਤਾਂ ਦੇ ਜਿਸਮ ਨੂੰ ਉਭਾਰਦੇ, ਉਨ੍ਹਾਂ ਦੀਆਂ ਅਦਾਵਾਂ ਬੱਚਿਆਂ ਦੇ ਕੋਮਲ ਮਨਾਂ `ਤੇ ਅਣਬੁੱਝੀ ਪਹੇਲੀ ਵਾਂਗ ਛਾਪ ਛੱਡ ਜਾਂਦੀਆਂ।
ਕੁੜੀਆਂ ਦੇ ਉਭਰਦੇ ਸੀਨ ਵੀ ਆਪਣੇ ਆਪ ਲਈ ਸਵਾਲ ਬਣ ਜਾਂਦੇ। ਦੋਵਾਂ ਨੂੰ ਸਮਝ ਆਉਣ ਲੱਗਦੀ ਕਿ ਸਿਰਫ਼ ਸਰੀਰ ਦਾ ਇਹ ਹਿੱਸਾ ਦੋਵਾਂ ਨੂੰ ਆਕ੍ਰਸ਼ਿਤ ਕਰਨ `ਚ ਜਾਦੂ ਦਿਖਾਉਂਦਾ। ਦੋਵੇਂ ਧਿਰਾਂ ਹੁਣ ਗੂਗਲ ਨੂੰ ਜ਼ਿੰਦਗੀ ਦਾ ਹਿੱਸਾ ਬਣਾ ਲੈਂਦੀਆਂ ਆਪਣੇ ਹੀ ਸਰੀਰ ਨਾਲ ਕੁਝ ਨਵਾਂ ਕਰਨ ਲਈ। ਲਿਖਦੇ ਲਿਖਦੇ ਸੋਚ ਰਹੀ ਹਾਂ ਕਿ ਪੁਰਾਣੇ ਸਮੇਂ `ਚ ਲੋਕ ਆਪਣੀ ਇਸ ਅਵਸਥਾ ਨਾਲ ਕਿਵੇਂ ਨਜਿੱਠਦੇ ਹੋਣਗੇ।
ਮੁੰਡੇ ਵੀ ਜਲਦੀ ਹੀ ਸਮਝ ਜਾਂਦੇ ਕਿ ਕੁੜੀਆਂ ਦੂਸਰਿਆਂ ਤੋਂ ਅਲੱਗ, ਖ਼ੂਬਸੂਰਤ ਦਿਖਣਾ ਚਾਹੁੰਦੀਆਂ ਹਨ। ਮੁੰਡੇ ਉਨ੍ਹਾਂ ਦੀ ਇਸ ਸੋਚ ਨੂੰ ਸਮਝਦੇ ਹੋਏ ਪੂਰੀ ਤਰ੍ਹਾਂ ਕੁੜੀਆਂ ਨੂੰ ਭੜਕਾਉਂਦੇ ਤੇ ਕੁੜੀਆਂ ਬਹੁਤ ਸਮਾਂ ਖ਼ੂਬਸੂਰਤੀ ਦੇ ਸਾਧਨ ਲੱਭਣ `ਚ ਮਸਰੂਫ਼ ਹੋ ਜਾਂਦੀਆਂ ਤੇ ਮਰਦ ਔਰਤ ਦੀ ਇਸ ਲਾਲਸਾ ਦਾ ਫਾਇਦਾ ਚੁੱਕਦੇ।ਕਹਾਣੀ ਇਥੇ ਨਹੀਂ ਮੁੱਕਦੀ। ਉਹ ਜਾਣ ਬੁੱਝ ਕੇ ਦੂਸਰੀਆਂ ਕੁੜੀਆਂ ਦੀਆਂ ਤਾਰੀਫ਼ਾਂ ਉਨ੍ਹਾਂ ਸਾਹਮਣੇ ਕਰਦੇ। ਕੁੜੀਆਂ ਦਾ ਸਾਥ ਕਿੰਨੀ ਵਾਰ ਸ਼ੀਸ਼ਾ ਬਣ ਜਾਂਦਾ। ਸਾਰਾ ਦਿਨ ਸ਼ੀਸ਼ੇ `ਚ ਹੀ ਨਿਹਾਰਨ `ਚ ਬੀਤਣ ਲੱਗਦਾ। ਦਿਨ ਰਾਤ ਦੂਸਰੀਆਂ ਔਰਤਾਂ ਨਾਲ ਮੁਕਾਬਲਾ ਮਾਨਸਿਕ ਤੌਰ `ਤੇ ਉਨ੍ਹਾਂ ਨੂੰ ਬਿਮਾਰ ਕਰਦਾ ਜਾਂਦਾ।
ਜੋ ਸੋਹਣੀਆਂ ਹਨ, ਉਨ੍ਹਾਂ ਨੂੰ ਵੀ ਤੇ ਜੋ ਕੁਦਰਤ ਵੱਲੋਂ ਨਹੀਂ ਹਨ, ਉਨ੍ਹਾਂ ਨੂੰ ਵੀ।ਸਰੀਰ ਦੇ ਮਾਪਦੰਡ ਬਹੁਤ ਗ਼ੌਰ ਨਾਲ ਦੇਖਿਆ ਜਾਵੇ ਤੇ ਸ਼ੋਸ਼ਲ ਮੀਡੀਆ ਨੇ ਕ੍ਰੀਏਟ ਕੀਤੇ। ਰੋਜ਼ ਨਵੀਆਂ ਫ਼ਿਲਮਾਂ, ਗੀਤ, ਪੋਸਟਰ, ਨਿਤ ਨਵੀਆਂ ਕੁੜੀਆਂ ਦਾ ਸ਼ੋਅ। ਮਰਦ ਦੇ ਫੈਂਟਸੀ ਵਰਲਡ `ਚ ਘੁੰਮਦੇ ਚਿਹਰੇ ਆਮ ਔਰਤਾਂ ਲਈ ਭਾਰੀ ਹੋ ਜਾਂਦੇ। ਪੋਰਨ ਫ਼ਿਲਮਾਂ ਜ਼ਿੰਦਗੀ ਦੇ ਖੱਟੇ ਮਿੱਠੇ ਪੜਾਵਾਂ `ਚ ਦੀਵਾਰ ਬਣ ਜਾਂਦੀਆਂ।
ਅੱਜ ਦੇ ਲੋਕ ਸਮਝਦੇ ਹਨ ਕਿ ਬੂਬਸ ਉਤੇਜਨਾ ਨੂੰ ਵਧਾਉਣ ਦੇ ਕੰਮ ਆਉਂਦੇ, ਮੰਨਿਆ ਸੱਚ ਹੈ, ਫਿਰ ਪਿਆਰ ? ਬੂਬਸ ਦਾ ਤਸੱਵਰ ਨਾਲ ਕੀਤਾ ਸੈਕਸ ਚਰਮਸੀਮਾ ਦੇ ਇਕ ਛਿਣ ਬਾਅਦ ਹੀ ਖ਼ਤਮ ਹੋ ਜਾਂਦਾ ਤੇ ਪਿਆਰ ਦੇ ਪਲ ਅਗਲੇ ਪਲਾਂ ਤਕ ਵੀ ਨਾਲ ਚੱਲਦੇ। ਪੋਰਨ ਫ਼ਿਲਮਾਂ `ਚ ਦਿਖਾਏ ਜਾਂਦੇ ਆਸਾਣ ਸਿਰਫ਼ ਦਿਖਾਉਣ ਲਈ ਹੁੰਦੇ ਕਿ ਅਸੀਂ ਸਭ ਜਾਣਦੇ ਹਾਂ ਕਿ ਇੰਝ ਦੀਆਂ ਫ਼ਿਲਮਾਂ ਕਿੰਨੀ ਤਰ੍ਹਾਂ ਦੀਆਂ ਤਕਨੀਕ ਨਾਲ ਬਣਦੀਆਂ ? ਕਿਸ ਤਰ੍ਹਾਂ ਦੇ ਨਸ਼ੇ ਕੀਤੇ ਜਾਂਦੇ ? ਕਿੰਨੇ ਤਰ੍ਹਾਂ ਦੇ ਕੈਮਰੇ ਦੇ ਕੋਨ ਵਰਤੇ ਜਾਂਦੇ ? ਜੋ ਬੂਬਸ ਅਸੀਂ ਦੇਖਦੇ ਹਾਂ ਉਨ੍ਹਾਂ ਲਈ ਸਿਲੀਕਾਨ ਵੀ ਵਰਤੀ ਜਾਂਦੀ। ਸਿਲੀਕਾਨ ਤਕਨੀਕ ਬ੍ਰੈਸਟ ਕੈਂਸਰ ਨਾਲ ਜੂਝ ਰਹੀ ਔਰਤਾਂ ਲਈ ਬਣੀ ਸੀ ਤਾਂ ਕਿ ਉਹ ਆਪਣਾ ਆਤਮ ਸਨਮਾਨ ਵਾਪਸ ਪਾ ਸਕਣ।
ਹਰ ਫ਼ਿਲਮ ਐਡਿਟ ਹੁੰਦੀ ਹੈ ਤੇ ਪੋਰਨ ਫ਼ਿਲਮਾਂ ਦੀ ਐਡੀਟਿੰਗ ਇਕ illusion `ਚ ਲੈ ਜਾਂਦੀ ਹੈ। ਸਟਾਈਲ ਤੇ ਲੰਬੇ ਸਮੇਂ ਦੇ ਸੈਕਸ ਫੰਡਾ ਆਮ ਜ਼ਿੰਦਗੀ ਨੂੰ ਤਹਿਸ ਨਹਿਸ ਕਰ ਦੇਂਦਾ ਤੇ ਪਿਆਰ ਹਵਾ `ਚ ਬਿਖਰ ਜਾਂਦਾ।ਦੂਜੇ ਪਾਸੇ ਔਰਤਾਂ ਨੂੰ ਲੱਗਦਾ ਕਿ ਵੱਖਰੀ ਦਿੱਖ, ਹੁਸਨ ਤੇ ਹਾਟ ਗਰਲ ਦਾ ਤਗਮਾ ਉਨ੍ਹਾਂ ਨੂੰ ਮਰਦਾਂ ਦੀ ਜ਼ਿੰਦਗੀ `ਚ ਵੱਖਰੀ ਜਗ੍ਹਾ ਦੇਵੇਗਾ। ਉਹ ਮਰਦਾਂ ਨੂੰ ਆਪਣੇ ਜਾਲ `ਚ ਹਮੇਸ਼ਾ ਬੰਨ੍ਹ ਲਵੇਗੀ। ਮਾਫ਼ ਕਰਨਾ ਜੇਕਰ ਇਹ ਸੱਚ ਹੁੰਦਾ ਤੇ ਇਹ ਬਾਜ਼ਾਰ ਬੇਵਸ ਔਰਤਾਂ ਨਾਲ ਕਦੇ ਨਾ ਸਜਦੇ। ਇਕ ਵਕੀਲ ਦੋਸਤ ਨਾਲ ਵਿਚਾਰ ਚਰਚਾ ਚੱਲ ਰਹੀ ਸੀ। ਉਸ ਨੇ ਵੀ ਇਸ ਸੱਚ ਨੂੰ ਸਵੀਕਾਰ ਕਰਦੇ ਦੱਸਿਆ ਕਿ ਜਦੋਂ ਤਲਾਕ ਦੇ ਅਸਲੀ ਮੁੱਦੇ ਨੂੰ ਦੇਖਿਆ ਜਾਂਦਾ, ਉਸ `ਚ ਇਹ ਫ਼ਿਲਮਾਂ ਵੀ ਕਸੂਰਵਾਰ ਹੁੰਦੀਆਂ। ਹਰ ਔਰਤ ਉਨ੍ਹਾਂ ਫ਼ਿਲਮਾਂ ਦੇ ਹਾਣ ਦੀ ਨਹੀਂ ਹੋ ਸਕਦੀ।
ਔਰਤ ਪਿਆਰ ਵੀ ਭਾਲਦੀ ਹੈ। ਸੈਕਸ ਪਿਆਰ ਦੀ ਪੌੜੀ ਜ਼ਰੂਰ ਹੈ ਪਰ ਹਵਸ ਦੀ ਨਹੀਂ। ਵਕੀਲ ਦੋਸਤ ਨੇ ਦੱਸਿਆ ਕਿ ਇਕ ਕੇਸ ਸੀ ਜੋ ਇਸ ਲਈ ਤਲਾਕ ਦੀ ਵਜ੍ਹਾ ਬਣਿਆ ਕਿ ਉਸ ਦੀ ਬੀਵੀ ਉਹ ਸਭ ਨਹੀਂ ਕਰਦੀ ਸੀ ਜੋ ਪੋਰਨ ਮੂਵੀ `ਚ ਵਾਪਰਦਾ ਸੀ। ਮਰਦ ਇਸ ਖ਼ਾਹਿਸ਼ ਲਈ ਵਿਕਾਊ ਔਰਤਾਂ ਦਾ ਇਸਤੇਮਾਲ ਕਰਦਾ ਸੀ। ਲਿਖਦੇ ਲਿਖਦੇ ਕਿੰਨੇ ਸਵਾਲ ਤਾਰੀ ਹੋ ਰਹੇ ਕਿ ਫੇਰ ਪਿਆਰ ਕੀ ਹੈ ? ਪਿਆਰ ਅਤੇ ਸੈਕਸ ਦਾ ਆਪਸ `ਚ ਕੀ ਰਿਸ਼ਤਾ ਹੈ ? ਆਤਮਿਕ ਪਿਆਰ ਕੀ ਹੈ ? ਜੇਕਰ ਤੁਸੀਂ ਸਰੀਰਕ ਪੱਧਰ `ਤੇ ਉਲਝ ਗਏ ਤੇ ਰੂਹਾਨੀਅਤ ਨੂੰ ਕਿਵੇਂ ਜੀ ਸਕਦੈ ? ਇਸ ਸਾਰੇ ਖੇਲ `ਚ ਕਮਜ਼ੋਰ ਕੜੀ ਕੌਣ ਹੈ ? ਮਰਦ ਪਿਘਲਦਾ ਜਾਂਦਾ ਸਰੀਰ ਦੀ ਗਰਮੀ ਨਾਲ ਤੇ ਔਰਤਾਂ ਹੋਰ ਘੁਲਦੀਆਂ ਜਾਂਦੀਆਂ ਸਰੀਰਾਂ ਨੂੰ ਤਰਾਸ਼ਣ `ਚ। ਪਲਾਸਟਿਕ ਸਰਜਰੀ, steroid ਆਦਿ ਉਸ ਦੀ ਜ਼ਿੰਦਗੀ ਦੇ ਹਿੱਸੇਦਾਰ ਬਣ ਜਾਂਦੇ।
ਇਹ ਦਾਸਤਾਂ ਪੈਸੇ ਵਾਲੇ ਲੋਕਾਂ ਦੀ ਤੇ ਸ਼ੋਸ਼ਲ ਮੀਡੀਆ `ਤੇ ਹਾਵੀ ਲੋਕਾਂ ਦੀ ਜ਼ਿਆਦਾ ਹੈ ਪਰ ਗੌਰ ਨਾਲ ਦੇਖਿਆ ਜਾਵੇ ਤੇ ਇਸ ਦਾ ਭੁਗਤਾਨ ਹਰ ਵਰਗ ਨੂੰ ਕਰਨਾ ਪੈਂਦਾ ਹੈ।ਰਾਖੀ ਸਾਵੰਤ ਬਾਥਰੂਮ `ਚ ਬੈਠ ਕੇ ਵੀ ਆਪਣਾ ਕਲਿਪ ਬਣਾਉਂਦੀ ਹੈ ਤੇ ਮਰਦਾਂ ਦੀ ਭੀੜ ਹੁੰਮਹੁਮਾ ਕੇ ਵੇਖਣ ਪਹੁੰਚ ਜਾਂਦੀ ਹੈ। ਉਹ ਬੂਬਸ ਦਾਨ ਕਰਨ ਦੀ ਗੱਲ ਕਰਦੀ ਹੈ ਤੇ ਲੋਕ ਬੋਲੀਆਂ ਲਗਾਉਣ ਲੱਗ ਜਾਂਦੇ ਹਨ। ਇਸ ਸੋਚ `ਤੇ ਮੈਨੂੰ ਹੁਣ ਹਾਸਾ ਵੀ ਆ ਰਿਹਾ ਤੇ ਮਰਦ `ਤੇ ਤਰਸ ਵੀ। ਇਕ ਗੱਲ ਕਹਿਣਾ ਚਾਹਵਾਂਗੀ ਕਿ ਇਥੋਂ ਪਤਾ ਲੱਗਦਾ ਹੈ ਕਿ ਮਰਦ ਕਮਜ਼ੋਰ ਕਿੰਨਾ ਹੈ।
ਔਰਤ ਦਾ ਐਕਸਪੋਜਰ ਮਰਦ ਨੂੰ ਪਾਗਲ ਹਾਥੀ ਬਣਾਉਂਦਾ ਹੈ। ਐਕਸਪੋਜ ਕਰਨ ਵਾਲੀਆਂ ਔਰਤਾਂ ਚੰਗੀ ਤਰ੍ਹਾਂ ਜਾਣਦੀਆਂ ਹਨ ਕਿ ਉਨ੍ਹਾਂ ਦੀਆਂ ਤਸਵੀਰਾਂ ਮਰਦਾਂ ਦੀ ਹਵਸ ਦੇ ਕੰਮ ਆਉਂਦੀਆਂ ਹਨ ਪਰ ਫਿਰ ਵੀ ਉਹ ਬੇਫ਼ਿਕਰੀ ਨਾਲ ਸਭ ਕਰ ਰਹੀਆਂ ਹਨ।ਫ਼ਿਲਮੀ ਔਰਤਾਂ ਉਨ੍ਹਾਂ ਦੇ ਹੱਥ ਵੀ ਨਹੀਂ ਆ ਸਕਦੀਆਂ। ਫੇਰ ਵੀ ਉਨ੍ਹਾਂ ਦੀ ਖ਼ਾਹਿਸ਼ ਕਰਦਾ ਹੈ ਤੇ ਆਪਣੇ ਪੈਸਾ ਤੇ ਆਪਣੀ ਜ਼ਿੰਦਗੀ ਦੇ ਹੁਸੀਨ ਮੌਸਮ ਗਵਾ ਲੈਂਦੇ। ਸੋਚੋ ਨੁਕਸਾਨ ਕਿਸ ਦਾ ਹੋ ਰਿਹਾ ਹੈ।
ਕੀ ਖੇਡ ਹੈ ਸਾਰੀ ? ਸੀਰੀਅਸਲੀ ਮੈਂ ਖ਼ੂਬਸੂਰਤੀ ਦੇ ਖ਼ਿਲਾਫ਼ ਨਹੀਂ ਹਾਂ, ਮੈਂ ਉਸ ਦੇ ਠ਼ਵਕਗਜ਼;ਜਤਵਜਫ ਹੋਣ ਦੇ ਖ਼ਿਲਾਫ਼ ਹਾਂ। ਜੋ ਪਿਆਰ ਤੁਸੀਂ ਗਲਵੱਕੜੀ ਨਾਲ ਮਹਿਸੂਸ ਕਰਨਾ ਸੀ, ਚੁੰਮਣ ਨਾਲ ਮਹਿਸੂਸ ਕਰਨਾ ਸੀ, ਜੋ ਪਿਆਰ ਤੁਸੀਂ ਰੂਹਾਨੀਅਤ ਨਾਲ ਮਹਿਸੂਸ ਕਰਨਾ ਸੀ, ਉਹ ਸਭ ਇਕ ਫੈਂਟਸੀ ਨੇ ਖਾ ਲਿਆ। ਅੰਦਰੋਂ ਸਭ ਮਰ ਰਿਹਾ ਹੈ ਕਿਉਂਕਿ ਅਸੀਂ ਪਲ ਨਹੀਂ, ਹਵਸ ਜੀ ਰਹੇ ਹਾਂ। ਵਿਆਗਰਾ ਬਿਮਾਰੀ ਲਈ ਜਾਂ ਇਕ ਖ਼ਾਸ ਉਮਰ ਲਈ ਵਰਤੀ ਜਾਂਦੀ ਹੈ ਪਰ ਮੈਨੂੰ ਪਤਾ ਲੱਗਾ ਕਿ ਹੁਣ ਇਸ ਨੂੰ ਯੁਵਾ ਪੀੜ੍ਹੀ ਵੀ ਵਰਤ ਰਹੀ।
ਮੇਰੀ ਇਕ ਦੋਸਤ ਨੇ ਦੱਸਿਆ ਕਿ ਜਾਨਵਰਾਂ ਨੂੰ ਲੱਗਣ ਵਾਲੇ ਇੰਜੈਕਸ਼ਨ ਵੀ ਵਿਆਗਰਾ ਦੀ ਜਗ੍ਹਾ ਇਸਤੇਮਾਲ ਕੀਤੇ ਜਾ ਰਹੇ ਹਨ। ਕਿਉਂ ? ਮਰਦ ਤੇ ਔਰਤ ਦੀ ਚਾਹਤ ਸ਼ਾਇਦ ਬਦਲ ਰਹੀ ਹੈ। ਐੱਫ.ਬੀ. ਦੀ ਦੁਨੀਆ ਬਹੁਤ ਸਾਰੇ ਸੱਚ ਸਾਹਮਣੇ ਲਿਆ ਰਹੀ ਹੈ। ਪਰ ਸਵਾਲ ਇਹ ਹੈ ਕਿ ਇਸ ਚਾਹਤ ਦੇ ਚੱਕਰ `ਚ ਦੋਵੇਂ ਜੀਵ ਆਪਣਾ ਸਰੀਰਕ ਘਾਣ ਕਿਉਂ ਕਰ ਰਹੇ ਹਨ ? ਔਰਤ ਵਿਕ ਰਹੀ, ਮਰਦ ਖ਼ਰੀਦ ਰਿਹਾ। ਜਿਸਮ ਦੇ ਬਾਜ਼ਾਰ `ਚ ਲੱਗਦੀਆਂ ਨੇ ਮਹਿਫ਼ਲਾਂ ਰੋਜ਼ ਮਰਦ ਨੂੰ ਅਜ਼ਮਾਉਣ ਲਈ ਖਰੀਦਦਾਰ ਖ਼ੁਦ ਨੂੰ ਖ਼ੁਦਾ ਸਮਝ ਬੈਠਾ।